Астана сотының хабарлауынша, 2024 жылғы 29 сәуірде ауданаралық қылмыстық сот оларды әскери теміржол күзеті ЖШС қаражатын заңсыз иемденгені үшін үкім шығарған.

ЖШС бас директоры орынбасары және бас менеджермен алдын ала сөз байласу арқылы бейнебақылау жүйесіне арналған жабдықтар кешеніне бөлінген 159 миллион теңгеден астам ақшаны жымқырған.

Сондай-ақ өз өкілеттіктерін асыра пайдаланып, С-ны ЖШС-нің құрылымдық бөлімшесіне жүргізуші болып жұмысқа орналастырып, оны өзінің жеке мақсаттарына пайдаланып, ЖШС-ге төленген жалақы түрінде 1,5 миллион теңгеден астам залал келтірген.

"Сотта прокурор айыпталушыларды сегіз жылға бас бостандығынан айыруды сұрады. Сотталушылар кінәларын мойындамады, олар ақтауды сұрады. Жәбірленушінің өкілі сотқа жаза тағайындауды сұрады", – делінген хабарламада.

Сот үкімімен бас директор “Бюджет қаражатын жымқыру” және “Өкілеттігін асыра пайдалану” бабы бойынша мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, сегіз жылға бас бостандығынан айыру жазасы тағайындалды;

Ал орынбасар мен бас менеджер мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, жеті жылға бас бостандығынан айырылды.

Жәбірленуші тараптың залалы кінәлі тұлғалардан өндіріп алынды. Үкім заңды күшіне енген жоқ.

Талқылау